El Guateque de Vitorina presenta les sos primeres confirmaciones.
El próximu 30 de mayu, Asturies dexa de dividise en costa y cuenca pa convertise nuna sola esperiencia.
El Guateque de Vitorina presenta los sos primeros nomes:
Dear Joanne, Natalia Ferviú y La Viuda de Angelín.
La Pomarada – El Condao – Llaviana a partir de les 13:00 hores
Sábadu 30 de mayu de 2026
El Guateque de Vitorina meets Gijón Sound Festival nun alcuentru únicu onde lo urbano y lo rural entemécense ensin complexes. Un vermú que ye muncho más que música: ye identidá, comunidá y celebración.
En La Pomarada (El Condao, Llaviana) —un llugar con más de 75 años d’historia y alma— va vivise una xornada que conecta xeneraciones, estilos y territorios. Tradición y vangarda compartiendo mesa, pista y emoción.
Porque esto nun va namás d’un cartel. Va de reencontranos colo que somos: una tierra onde too ta cerca… y too ta conectao.
Entrades yá a la venta dende 20€ + gastos
Dear Joanne con influyencies punk, garage rock, new wave y power pop
Fueron la comidilla de la escena guitarrera nos últimos meses, especialmente dende la so recordada apertura pa La Femme en La Riviera, el so pasu pol Cranc Illa de Menorca o la so actuación nel Monkey Week. Dear Joanne ye una moza banda de Madrid con influyencies punk, garage rock, new wave y power pop, que ta faciendo un güecu na escena musical gracies a la so versatilidá nel escenariu, el so direutu enérxicu y una estética mui marcada.
El so soníu y les sos lletres beben especialmente del punk de la movida madrilana, recuperando l’humor y el surrealismu tan característicu d’aquella dómina.
Natalia Ferviú llegó a dirixir el so propiu programa: El Club de Radio 3
Llicenciada en Comunicación Audiovisual y con más de 15 años d’esperiencia como estilista en grandes cabeceres como Vogue, Glamour o Rolling Stone, ente otres. Trabayó tamién como asesora y directora creativa, llegando a desenvolver colecciones pa diferentes marques. Ente les sos últimes collaboraciones destaca una llinia de merchandising que creó pa un equipu de fútbol míticu.
La moda llevóla a munchos sitios, y a conocer xente de tol tipu. Dende París —pa entrevistar a Jean-Paul Gaultier— hasta Alcalá-Meco —pa impartir charres a les recluses sobre empoderamientu femenín al traviés de la ropa—. Ensin escaecer el so pasu pola televisión —Cámbiame (Mediaset), Zapeando (La Sexta), La Tarotista (Netflix)…— y la radio, onde llegó a dirixir el so propiu programa: El Club de Radio 3.
Empezó pinchando música en clubs, concretamente na mítica sala Nasti. Y anque pudiste vela en festivales, dada la so trayeutoria profesional tan lligada a la moda, foi sobre manera DJ d’eventos, trabayando pa firmes como Gucci, Givenchy o Dolce & Gabbana. Amás, collabora cola prestixosa radio internacional NTS.
Natalia tamién dirixó videoclips, anuncios, desfiles… Y too ello compaxinólo cola docencia.
La Viuda de Angelín, amantes de la cumbia y de la salsa
Viuda de Angelín, formada por Ana y Ángel, dos amigos amantes de la cumbia y de la salsa, únense pa formar unos guateques llenos de destellos de psicodelia, salsa y cumbia que van dende los años 60 en adelante.
El to cuerpu va llenase de vibraciones y bailes que nun sabíes que yeres capaz de tener. Presentamos esti proyectu en formatu vinilu, cola intención de que ente’l públicu y nós se xeneren les meyores condiciones posibles.
