ALA.NI, Jack J Hutchinson, Buen Suceso y Texxcoco nueves confirmaciones de Gijón Sound Festival

ALA.NI, Jack J Hutchinson, Buen Suceso y Texxcoco nueves confirmaciones de Gijón Sound festival.

Viva Suecia, nuevu Concierto Mahou Cinco Estrellas

Nueves incorporaciones al cartelu: ALA.NI, Viva Suecia (Conciertu Mahou Cinco Estrellas), Jack J Hutchinson, Buen Suceso y Texxcoco (artista AIE) xúnense a los artistes yá confirmaos: Mercury Rev, L – R, The Limboos (artista AIE), Fee Reega, Kurt Baker Combo, Tupper, Sleaford Mods, La M.O.D.A. (Conciertu Mahou Cinco Estrellas), María Aranal i Marcel Bagés, Pablo Und Destruktion y Bigott.

ALA.NI foi comparada con Billie Holiday nel so primer discu

ALA.NI en Gijón Sound 2018

ALA.NI ye’l nome artísticu d’Alani Charal, cantautora londinense de orixe antillanu qu’entamó a exercer de corista pa un variáu elencu d’artistes qu’inclúi a Mary J. Blige, Blur o Andrea Bocelli. Foi comparada con Billie Holiday, el so discu de debut “You & I” contó con Andrew Hale (Sade) que l’ayudó a producir unes canciones que mezclen el romanticismu melancólicu de les balaes de la era del swing con un toque soul contemporáneu.

Viva Suecia, Conciertu Mahou Cinco Estrellas

Viva Suecia Gijón Sound 2018

Viva Suecia va vinir de la mano de Mahou a Gijón Sound Festival onde van actuar nel Espacio Mahou, asitiáu na Plaza del Ayuntamientu. Son ensin dulda ún de los grupos del momentu, aparecieron en toles llistes de lo meyor del añu: meyor discu, meyor canción, meyor directu, de más rápida ascensión… dieron 71 conciertos, consiguiendo 29 soldouts. Coláronse nel décimu puestu de la llista oficial de ventes onde permanecieron 10 selmanes, recibieron el Premiu de la música independiente a Meyor Canción por “Bien por ti” y tuvieron nominaos a Meyor Artista Español en los MTV European Music Awards.

Esti entamu de año tráenmos la reedición del so segundu discu “Otros Principios Fundamentales” con dos temas nuevos y presenten la candidatura a comandar el relevu xeneracional de les nueves bandes qu’acaparen la escena nacional del nuestru país.

Jack J Hutchinson, nacíu pa cantar soul and blues

Jack J Hutchinson Gijon Sound 2018

Jack J Hutchinson guitarrista y cantante compositor residente en Londres. Descritu pola revista Classic Rock Blues como “Nacíu pa cantar soul and blues “, en 2015 y 2016 tuvo nomináu pa los British Blues Awards.

Seis de les sos canciones yá aparecieron recomendaes na revista Classic Rock Blues. También apaeció regularmente nel Top 40 de blues de IBBA, recibiendo aclamaciones y crítiques positives de publicaciones como Blues In Britain y la revista Blues Matters.

“Duru, inmediatu y rockeru’. Hutchinson nació pa cantar soul y blues “. (Revista Classic Blues Rock)

“Tolo que fae ye bono sobre la música blues moderna”. (Blues in Britain magazine)

“Mui, mui bien. ¡Hutchinson ta llevantando una tormenta! “(Paul Jones, BBC Radio 2)

Buen Suceso, música tradicional en formatu jazz

Buen Suceso Gijón Sound 2018

BUEN SUCESO

Buen Suceso ye una banda orixinaria de Xixón que dende 2006 se dedica a llevar al jazz canciones tradicionales fundamentalmente de Latinoamérica, homenaxeando siempres en cada uno de los sos discos a autores d’esti continente, amás d’incluyir adulces composiciones propies.

Texxcoco (artista AIE), una de les bandes con más proyeición de la escena independiente

Texxcoco Gijon Sound 2018

Texxcoco, artista AIE, son una banda creada en Las Palmas de Gran Canaria con un estilu a caballu ente’l garage, el punk, el rock alternativu y el noise rock, y un directu aclamáu pola so brillantez y frescura de manera unánime, convirtiéronse nuna de les bandes con más proyeición de la escena independiente, dende la so sonada participación nel Fuzzville de 2016.

Cancelada l’actuación de Niños Mutantes en Gijón Sound

Llamentablemente, nun podremos contar con Niños Mutantes, yá que: “Por cuestiones d’axenda y producción de la banda, llamentamos comunicar que Niños Mutantes nun va poder tar nel Gijón Sound. Esperamos poder venos pronto”

Mutantes.

T. +34 984 395 141
E. info@gijonsoundfestival.com

EDICIONES ANTERIORES

MULTIMEDIA

QUIÉNES SOMOS

PROGRAMA

SUSCRÍBETE

AVISO LEGAL
TÉRMINOS Y CONDICIONES
POLÍTICA DE COOKIES
RESOLUCIÓN DE CONFLICTOS

CONDICIONES GENERALES ENTRADAS

Share This