Presentando Gijón Sound Festival 2018

Presentando Gijón Sound Festival 2018. El pasáu xueves 15 de marzu presentemos la sesta edición, quinta de carácter urbanu, de Gijón Sound Festival nel Salón de Recepciones del Ayuntamientu de Xixón, xunto a Jesús Martínez Salvador, conceyal de Turismu, Deportes, Festexos y Mocedá y xunto a Jorge González-Palacios, xerente de Divertia.

Collaboradores (Sol Música, Ramón Bilbao, 30 Días en Bici, AIE, Unión de Comerciantes, OTEA, Escuela Asturiana de Surf), sponsors (Mahou) y medios de comunicación averáronse p’asistir a la presentación d’esta nueva edición de Gijón Sound Festival, que llega más fuerte que nunca na so apuesta por contribuir a dar un valor añadíu a la marca Gijón/Xixón. Siendo España un país que cuenta con más de 800 festivales al añu, atopámonos ante un mercáu nel que ye difícil competir si nun se tienen los presupuestos millonarios de los grandes festivales. En Gijón Sound Festival vimos nesta dificultá una oportunidá, para ufrir un festival diferente, nel que’l públicu puede esfrutar d’una rellación íntima cola música que se toca en sales pequeñes al contrario de lo qu’ocurre na mayoría de los festivales onde los artistes tán a decenes de metros de distancia del públicu, siendo visibles solo a través de grandes pantalles. Así, Gijón Sound Festival convirtióse nun festival urbanu que se caracteriza por aprovechar les infraestructures de la nuestra ciudá. Y ye nesta llinia na que siguimos trabayando. Yá algamamos convertinos nun referente que reclama la integración y collaboración de diferentes estamentos de la ciudá. Agora, el nuestro oxetivu fundamental ye facer de Xixón/Gijón un hub cultural. Usando la música como filu conductor, diseñamos una ufierta completa qu’amás de la música, integra la lliteratura (en collaboración cola Asociación de Libreros de Gijón y Fame Poétika), el cine (en collaboración col Festival Internacional de Cine de Gijón) y el teatru (en collaboración col Teatro Jovellanos), y que pone en valor Xixón/Gijón pente la collaboración con iniciatives como 30 Días en Bici y la Escuela Asturiana de Surf ente otros, col oxetivu especial d’esta edición, de concienciar a la ciudadanía sobre la importancia de la movilidad, un tema de discusión que debemos sacar a la palestra si queremos participar na construcción d’una ciudá propia del siglo XXI. Ufrimos música, cine, teatru, poesía, surf, ciclismu, mercaos… na nuestra apuesta por ufrir Xixón/Gijón como un destinu cultural a visitar nel mes d’abril. Apostamos por nuevos valores musicales, por atopar nuevos escenarios y por renovar el nuestru públicu, como tres exes primordiales nel desendolcu de la industria musical. Y lo facemos con Xixón como protagonista, que siempres foi y sigue siendo un referente cultural en España. El nuestru oxetivu es siguir apostando por un Xixón que Suena.

T. +34 984 395 141
E. info@gijonsoundfestival.com

EDICIONES ANTERIORES

MULTIMEDIA

QUIÉNES SOMOS

PROGRAMA

SUSCRÍBETE

AVISO LEGAL
TÉRMINOS Y CONDICIONES
POLÍTICA DE COOKIES
RESOLUCIÓN DE CONFLICTOS

CONDICIONES GENERALES ENTRADAS

Share This