ALA.NI un diamante en bruto actúa, en Gijón Sound Festival
Esti añu naguamos con dalgunes de les cites que tenemos nel nuestru programa. La presencia de Mercuy Rev y Sleaford Mods, augúranos momentos que nun vamos escaecer na sala Teatro Albéniz.
Magar qu’onde güei mos queremos detener ye na presencia estelar d’ALA.NI en Gijón Sound Festival.
Esperamos con especial interés la presencia de la solista británica nel Teatru de la Laboral. La fama-y precede y les comparaciones dan vértigu. Vinir cola aureola de ser la Billie Holiday actual, ye daqué que fadría temblar a la más pintada. Somorguiaos ente les cróniques de los sos conciertos mos atopamos cola publicación de Fernando Neira pal diariu El País el 14 de xunetu del añu pasáu:… »
Esiste práctica unanimidá, y nun se sabe si ha de ser motivu de recel o alborozo: Ala.Ni ye la nueva Billie Holiday. Mete mieu saberse en tan alta consideración, sobre too porque cualquier mortal al que comparemos colos dioses saldrá trasquiláu. La nueva diva d’ébano pal jazz vocal, non. Sobre too porque su voz nun ye qu’abluque, sinón que cenciellamente conmociona. Y porque la demostración d’anueche nel Conde Duque non solo resiste cualquier comparanza, sinón qu’amenaza con escosar les llistes d’epítetos.
Hai que ser valiente pa enfrentarse a un auditoriu col escueto apoyu d’un arpa y una guitarra eléctrica. Pero lo d’Alani Charal nun ye exactamente valentía. Ye un don. Canta con tanta naturalidá cola que cualquiera de nós montaría en bici. Nun fuercia’l gargüelu; el torrente sonoru bróta-y de dalgún llugar que nun se puede algamar pa cuasi cualquier otru ser humanu. Y esparrámase pela sala como si l’espaciu se diliera, como si cada metru cuadráu se vaporiare de sópitu.»…
Estos dos párrafos ilustren lo que tentamos de dicir. Atopámonos ante la oportunidá de presenciar l’actuación d’una diva que va allumar la música nos prósimos años, magar que, pa que nun mos quepa dulda… lo meyor va ser que sintamos:
Nun ye casualidá que la cantuatora londinense d’orixe antillanu trabayare con artistes de la talla de: Mary J. Blige musa del soul contemporáneu; los icónicos Blur o’l tenor italianu Andrea Bocelli. Pa navegar en ciertes agües ties que tener verdadera alma marinera.
Nel so álbum de debut «You & I» contó con Andrew Hale (Sade), que l’ayudó a producir canciones que mezclen el romanticismu melancólicu de les balaes de la era swing con un toque soul contemporáneu.
Admiradora de Julie Andrews y de Joni Mitchell foi comparada con Billie Holiday. Non en baldre, la so música podría formar parte d’un musical de Broadway o d’una película en blanco y negro, con delicaos arreglos de trompeta adornando “Roses & Wine” y melodíes tan evocadores como la de “Ol’ Fashioned Kiss”. Puede afirmase que la so voz, parafrasiando’l títulu qu’abre’l discu, lluz como una fermosa flor de zrezal.